[Fol. 91A r°]Anno dominice Incarnacionis millesimo CCo LXo VIIIIo, foron consols : en G. Rotgier, en P. de
Sauzet, n’Andrieu de la Mora, B. de Cers, en P. Huc,
G. del Truell, en
Jo. Azalguier, en Jo. Fabre, en Bertran Sartre, en P. de
Pomairan, en R. Seguin, en Bernat Calcadel ; e fon assessor en Jo. de San Miquel, e fon notari P. Escudier. Et en aquel an fon bailes en Jo. Ymbert.
Et en aquel an meseus e∙l mes d’aust, li senhor consols sobre escrig intreron en
possession del bosc de Taurier e de Taurairol, e donet se la sentencia per en P. Almera
de Melguer, jutge establit per lo senhor en Berenguer, avesque de Magalona, e per en
Benazeg de Ribauta, jutge establit per los ditz senhors consols, contra aquels de Las
Matelas que feron violencia a Roca e a Franquet, forastiers del bosc de Valena, e que∙ls
preiron e per forsa et ab armas los meneron a Las Matelas. E per aquo, aquels que∙ls
preiron, so es a saber R. de Liro, Johan de Liro, Johan de la Tor, Johan Pellier, Pons
Gilabert, P. Bueu, foron condampnatz per sentencia per los ditz jutges que fosson
ishillatz de tot lo comtat de Monferran e de tot lo pertenemen del bosc de Valena e que
perdesson totz lurs bens e que la maitat dels bens fosson del dig senhor avesque e
l’autra mitat dels ditz senhors consols per non devis. Et apres li dig senhors consols,
so es a dir lo senhor en G. Rotgier e∙n P. Uc, per se e per totz lurs companhos consols,
e n’Uc de Rodes, sindic, per se e per son consindic e per tota la universitat de
Monpeslier, e∙n P. Ermengau, consol elegut per l’an esdevenidor, e∙n P. de Combas, VIIII
jorns devan Nostra Dona de mars, aneron a Las Matelas et intreron e preiron possession
per la lur meitat de totz los bens dels ditz seis de Las Matelas, e∙n Pons del Colet
pres l’autra meitat e per non devis. E∙ls ditz senhors consols e∙l sindic establiro lur
cert e especial procurador Roca, forastier de Valena, a tener e penre e gardar e
coltivar la mitat de totz los ditz bens per non devis. [a]Cet exercice de la justice
consulaire est totalement absente du AA9. En haut, note marginale : "De juridictione
Valene". A droite, autre note marginale : "Nota sententiam exilii et confiscationis
bonorum medietatem domino episcopo Magalonensis et aliam dominis consulibus". Et d’une
autre main : "Valena".
Et en aquel an meseus, feron lidit consols pas e via de XXII canas del gra entro a la
goleta de Latas, lacal via termeron ab pals, presen e cosenten l’aves[que] de Magalona o
son mesatge ab los pariers de las sebisses. [b]Cette mention de l’aménagement d’une
passerelle de bois sur l’étang est absente également du AA9. A droite, dessin à
l’encre noire d’un écu portant les armes des consuls de mer de Montpellier, à savoir
le tourteau avec des vaguelettes sur le champ de l’écu.
[Fol. 91A v°][a]Tout cet item est cancelelléAnno dominice Incarnacionis millesimo CCo LXo VIIIIo, foron consols : en Guillem
Rotgier, en P. de Sauzet, n’Andrieu de la Mora, en B. de
Sers, en P. Uc, en G. del Truell, en Jo.
Azalguier, en Jo. Fabre, en Bertran Sartre, en P. de
Pomairan, en P. Seguin, en Bernat Calcadel ; e fon assessors en Jo. de San Miquel, en P.
Escudiernotari, baile en Jo. Ymbert. En
aquel an meseus con alcuns homes de Las Matelas moguesson question als senhors consols
sobre dos puegs de Valena apelatz Taurier e Taurairol, fon fags compromes davan lo
senhor en Berenger, avesque de Magalona, en la soa sala de Monpeslier, entre•ls ditz
senhors consols, daus una part, et alcunas certas personas de Las Matelas, daus autra,
segon que plus plenieiramen se conten en la carta del compromes facha per maistre Johan
Brunenc notari. Et emprop e•l mes d’aust, aquels devan ditz de Las Mate[las]...[b]Le
texte s’arrête brutalement ici.
Année 1269 : commentaire historique
Pas de commentaire historique.