E[a]Belle lettrine très ouvragée.n l’an MCCCLXXXXII, foron cossolz | los senhors : en P. Benezeg, cambia- | dor, Johan Pojola, pebrier, | en Peyre de las Lauzas, orgier, | en Johan Robert, blanquier ; juge de Valena, | maistre Peyre Gili, clerc real.
Bayle, lo sen Guilhem Pinhol ; juge, mossen | Jacme Mayssens, doctor en leys ; notari de | bayle, maistre Raymon Vianes ; sotbayle, | lo sen Peyre Ribas ; sotjuge, messier Peyre | Cabot, bachelier en decretz ; notari de sotbayle, | maystre Peyre Metgier ; viguier, lo sen Gui- | raut Alric ; assessor, messier Peyre Guilhem, | bachelier en leys ; notari de viguier, maistre | Guilhem Segui.
[ ]Item, dimergue a IIII d’aost, fo facha procession
| general en Monpellier a honor
de Dieu & | de madona sancta Maria & de tota la cort cele- | stial, reden gracia a Nostre Senhor car avia fach
| cessar aysi la epidimia & car noz avia donat bonas mayssos
& suppliem ly que nos do__
[Fol. 171 r°]
__nes bonas
vendimias & plueja, car gran | sec era, & que Dieus salve lo
pobol de Mon- | pellier en bona pas & salut d’armas & de cors- | ses, & que Dieus dones bona pas a la sancta | Glieyra
& al regne de Fransa & que salve nostre | senhor lo rey & madama la reyna & mon- | senhor lo
dalfin ; & fo portada la ymage d’ar- | gent de Nostra Dona de Taulas[b]Ms. : Taules. banhar[c]Ms. : benhar. en Les, | al pont de ga Juvenal ; et fes lo
sermon al | plan[d]Ms. : plen. del cossolat maistre G. de May, | maistre en theologia, de l’orde dels
augustins.
[e]Changement de main.Item, divenres XXI d’aost, los senhors | cossols feron far una procession general en | Monpellier per la vida, salut & prosperitat | de nostre senhor lo rey & de sa molher & de | son filh & de tout le realme & per la | pas de son realme & de la sancta Glieyra | de Roma ; & fes lo sermon en lo plan del | cossolat maistre Peyre Borron, maistre en | theologia, de l’orde dels predicadors.
Item, dimergue[f]Ms. : dimegue. a III de novenbre, los | senhors cossols feron far una autra
pro- | cession general per las cauzas deraynement
dichas et fes lo sermon el plan del cossolat __
[Fol. 171 v°]
__frayre Peyre de Gontour
de Proensa, licenciat
| en theologia, regent dels frayres menors.
Item, dimars, lo derrier jour de dezembre, | fo senhat & batejat I senh[g]Ms. : sonh. de Nostra Dona | de Taulas que era estat trenquat & refach | per mossen Jehan Rochayron, capela de Maruojol ; | & pezet XXXII quintalsAbrégé : q’ ; & senhet lo maistre Jac. de | Manhania, prior de Taulas, & foron payris | sen Yzart Teinchurier, drapier, & sen Deo Ambro- | zi, pebrier ; et ac nom Silvestre.
Item, dimars a XVIII de febrier, fo senhada | & batejada una esquilla de Nostra Dona | per lo dich mossen lo prior de Taulas, la qual | era estada trenquada & fo refacha per lo dich | mossen Johan Rochayron ; & foron payris Jac. | Albaret, cambiador, & R. Cazelas, pebrier, & | ac nom Catherina ; et pezet VII quintalsAbrégé : q’ LXXV lieuraAbrégé : l[h]Ms. : l..
Item, dimergue a IX de mars, fo facha | una autra[i]Ms. : autre. procession general de manda- | men de nostre senhor lo rey fach a monssen de | Magalona & als autres
senhors evesques | de son realme per lo fach de la scisma de la
| glieyra, que Dieus l’aduga a vraia[j]Ms. : vraye. union ! & | fes lo sermon al plan del cossolat
maistre Sy__
[Fol. 172 r°]
__mon de Victor, maistre en theologia &
prior | dels carmes.
Item, l’an mil CCCLXXXXIII, a XIX d’abril, | anet a Dieu lo dich mossen Jacme Mayssens, | juge, & fo elegit al castel per lo dich mossen lo | baylle juge per complir l’an, misser Jacme | Mayssens, son filh, licenciat en leys.
Année 1392 : commentaire historique
Marvejols : c. de Lozère.